کد خبر : 129
تاریخ انتشار : پنج شنبه ۱۴ مهر ۱۳۹۰ - ۷:۵۲

شعرلری لالایی.ازمحمد محمودی نورآبادی

شعرلری لالایی.ازمحمد محمودی نورآبادی

محمد محمودی نورآبادی از نویسنده گان و شاعران بنام ایران زمین است که نوشته هایش رنگ و بویی خاص دارد

پسِ خاکریز دل غم جا گِرُته/// بچه ی دل بونه ی لالا گرته

 للا لا لا، للا لا لا للایی/// دلم تنگه دلم تنگه خدایی

سر کُنجِ تیم غم چینه کرده/// یه دنیا دل هوی بابینه کرده

وطر روغن که سُتِه  ولایه بسه/// یه داغی سر دلم خین مایه بسه  

اگر تو هم هوی صحرانه داری/// هوی دشتِ گلِ نعنانه داری

و یا ایخی و مجنون چی بدونی/// قصه ی هف لشکره از بر بخونی

اگر که عاشقی و وایه مندی/// بچه ی رُنجی و مهلی دردمندی

و یا چی گنجِ مش سی گل وَپیتی/// و من باغی و مث بلبل وپیتی

اگر ایخی حسین آسا بمیری/// لوت خشک بو ولوی دریا بمیری

بشین تا سیت بگم مجنون چه وابی/// قصه ی فرهاد بی سامون چه وابی

مطیل نیسی، روایت درد ایله/// گپ از خمپاره و زلفِ چویله

للا لا لا للا لا لا للایی/// سرِ شونِ شهید خُندن چه وابی

شوِ سِهیِه زمسون بی که رتیم/// هوا لیلی و بارون بی که رتیم

دلم اوشو خدایی می پرس بی/// وطر کوک بهاری مهس مهس بی

دل پیر تا جوونمو شوخ و شنگ بی/// صدی الله اکبرمو قشنگ بی

همه جا تیر و ترکش پر گِرُه شو/// وَ مِن تش وربریسس جا گره شو

شلمچه من تش و دید دیده ویبی/// هم اوشو بی که گلل چیده ویبی

دلِ دِشمن وَ دسمو پُر وَ خین بی/// بیابونل وَ خینشو شلشلین بی

فقط بَی تش تفنگل حالی و یبی/// شوی که گرگ هار گوش مالی ویبی

للا لا لا للا لا لا للایی/// دلم تنگِ دلم تنگِ خدایی

نه ایگم میخک و مهلو نبوهه/// گپی وّ خالِ بالَی لو نبوهه

اگر که شهرِ شهرزاد غصه داره/// تیه ی کالش یه دنیا قصه داره

اما دیو پلشت فرهادَه نیده/// زنش هم قصه ی شهرزاده نیده

مو ایگم خو منِ خومون نیایه/// گُرازی شو وَ با اومون نیایه

اگه کُرل همش سیگاری وابن/// دورل رنگ و رنگ بازاری وابن

اگه دشمن بفهمه که وَخوییم/// و دیمِ پیل پلا مهلی وَ دوییم

خور و گلل صحرا نداریم/// میونه ی بَی شط و دریا نداریم

دوبارم گرگ هار شیر زهله ویبو/// تمومِ خاکمو خین چهله ویبو

دوبارم شو وَ شو کفتار ایایه/// زبونم لال بگم قاجار ایایه

بَوَی پیرم تَوِ اوشونه داره/// هنی هم گپ تفنگ برنونه داره

مو ایگم تا ککی جونیم بدونه/// یَوِلا شوک سر گردو نخونه

من ای باغ جایِ شوک و مارملک نی/// خشون دونن که لر بی ارخلک نی

تفنگ کُر همیشه با قطاره/// همیشه مونس یابو سواره

مو ایگم تا دورل ایل بدونن/// سرِ شونه شهیدلمو بخونن

مو ایگم تا که بلبلل بدونن/// وَ داغ دل، وَ داغ دل بخونن

للا لا لا للا لا لا للایی/// سرِ شونه شهید خُندن چه وابی  

ارسال نظر شما
مجموع نظرات : 5 در انتظار بررسی : 0 انتشار یافته : ۵
  • نظرات ارسال شده توسط شما، پس از تایید توسط مدیران سایت منتشر خواهد شد.
  • نظراتی که حاوی تهمت یا افترا باشد منتشر نخواهد شد.
مهدی حیدری جمعه , ۲۸ اسفند ۱۳۹۴ - ۱۷:۲۱

عالی بود دست شما درد نکنه

علیرضا دوشنبه , ۲۶ بهمن ۱۳۹۴ - ۵:۰۳

خیلی عالی بود.از اینکه دیدم یکی از همشهریهام شعر با معنی و شعر هدفدار میگه خوشحالم.
خدا انشا الله حفظشون کنه

رضایی جمعه , ۱۶ بهمن ۱۳۹۴ - ۹:۳۴

خیلی زیبا بود..تبارک الله

محمد احمدی شنبه , ۱۰ بهمن ۱۳۹۴ - ۱۳:۰۴

احسنت
جزاکم الله خیرا
استاد فرهیخته محمد محمودی نویسنده کتاب ازرشمند شام برفی

عسکر محمودی شنبه , ۲۶ دی ۱۳۹۴ - ۱۸:۱۳

احسنت بر شما … دستتان را میبوسم

نظرات بسته شده است.

جدیدترین خبرها

نماد رسانه

logo-samandehi

اوقات شرعی