• تاریخ: یکشنبه، ۲۱ شهریور، ۱۳۹۵ - ساعت ۶:۵۵
  • شناسه خبر: 5851

شعر لری”بسمه از بسکه بد دیـــــــــــدمه خهسه یم”

در این پست نیز شعر زیبای بسمه از بسکه بد دیـــــــــــدمه خهسه یم از استاد مجید نگین تاجی شاعر بنام شهرمان را برای شما کاربران گرانقدر قرار دادیم

بسمه از بسکه بد دیـــــــــــدمه خهسه یم

مجید نگین تاجیهمی چیم وه یک رخته انگــار تون اومده                 دوباره ایدل پل بریده م وه زون اومده

وه زون اومده تا پته ی دلمــــه دم او بده                 جگـــر سختمه دم گله ی سرخ برنو بده

وش ایگم که پاپس بکش ییقه خوارم مکن                 یه بردی بنــه سرحدش تهله خوارم مکن

نه حـــــالیش ویبو که هی وش کنم بشنفه                 نه وه خرجش ایره گِلَی وش کنـم بشنفه

کچک سر کجک سیم ایا ری وه کولت بنم                 ده رهیی نمنده خــدا ری وه کولت بنم

وه کو کیشه ره پــــــا بنم پام وه بردآنبو                  وه کـــی دل بوندم یه دردم دو دردآنبو

 وری تلم سینم تش ارکردنه  ،نیـــــــلنم                   وه خرسل تیم دلمه تر کردنه، نیـــــــلنم

یه شویی که بی درد وه خو رفته بوهم مجو              یه شو بی وره ی برد وه خو رفته بوهم مجو

یه افتو خشی تی سو نیــــــــده دل بیکسم                خشی تی مو بـــال ارگرهته ده وش نیرسم

پرونیــم کرده فلک زور زونیمه وم اهسده               کو ای نامسلمون جوونیـــــــمه وم اهسده

غم و درد و بدبختی افتـــــاسه من جون مو               یو چن ســــــاله دلتنگی وابیده مهمون مو

دلم تنگ بـــــــــاغ و بهـــــار و بلی و بنه                زمهسون ولم نیـــــــــــکنه گل سرم نیزنه

چله سه نسه ، تشکِ افتــــــومه وم اهسده                  دوزونیمه بُرنـــــــــایه،برنومه وم اهسده

گلم گرگی وابی، رووه شـــــیر وابی سرم                دلم ایخو بردش بجمنم؛  اما نیــــــــــترم

دلم سی خوم ایســــوزه و چی وه دهسم نیا                فلک جومم ایدوزه و چی وه دهسم نیــــا

قبـــــــی درده بی قد مو اندازه کرده فلک              زده زخمل کهنمه تــــــــــازه کرده فلک

دلم دم وره ی برد بدنـــــــومی یه، بسمه دَ               وری مازه ی دل مو کوه خومی یه، بسمه دَ

بسمه از بسکه بد دیـــــــــــدمه خهسه یم              مثِ برد برنو وش آبــــــــــیده اشکهسیه یم

م.نگین تاجی پاییز ۱۳۹۳ ه.ش// مصیری