• تاریخ: جمعه، ۱۹ شهریور، ۱۳۹۵ - ساعت ۷:۳۰
  • شناسه خبر: 5846

شعر لری” یه وَلیلا بتری،کِرده وَمجنون بترم “

اشعارلری مجید نگین تاجی همیشه زیبا و دلنشین هستند.در این پست نیز شعر زیبای  یه وَلیلا بتری،کِرده وَمجنون بترم را برای شما عزیزان قراردادیم

مجید نگین تاجی از شاعران خوشنام لری و متولد ۱۳۴۶، روستای گوراب شهرستان رستم است

مجید نگین تاجییه وَلیلا بتری،کِرده وَمجنون بترم

یـــه وَلیلا بتری،کِرده وَمجنون بترم           جن زیَم کِرده وُ جومَی غمَ کرده وَبـرم

غمشــــــآبیده وَپشتیرِ بلا،مِن کمرُم            کمرم بهرسه و مشکله جــــون دربورم

بختِ   پیغُمبر َ ایدرد،  دَ  راس  آنیبَـــم

تـــــا نفس هِ دَ وَ ایدرد، خلاص آنیبــم

نفسی نیسی و نونم وه چه دل خش بکنم           دل خش نی که زر تاوه ی دل تش بکنم

کمــــ ــرم بهرسه تا کی غمَ پشتش بکنم          وه گل ارپیتم و مث مار زده غش بکنم

تیلت  چی تش و برقی تشَ هونم زه و ره

یــه خدا برف بلا  وه ای زمسونم زه و ره

زمسون تیلــــــــــم بِهسه وه ره سهلوشه     سردش آبیده دلـم کخته وه داغت لوشه

پکنایه تیــــــلـــــــم من غم تو مهلوشه       زر  بارون تو شــــو کرده همی افتوشه

دل بارون زده سر کش تو کلو وابـــــیده

خرسلم من غـم دیری تو شلـــــو وابـیده

کلو وابیدمه و هی یه نبرد ایبــــــــازم        دم دقه بی دل خوم کلکله برد ایـبازم

یه کلی وی زنم و ده کل باش ایندازم       وه یـک وَریچسمه  بی دل خوم نیسازم

دلــــــم افتاسه وه تلواسه و نونم چه کنم

نفسم رفته پس تاسه و نونـــــــم چه کنم

چه بدی کردمه که ایطورغزونم کــردی      مثل ماهی وه بج افتاسه دوجونم کردی

کهره قربونی بی نوم و نشونم کردی           تشنه سیصد و شس رو رمضونم کردی

تیم نذر تیی کـال تو کـــــــــردم کمته

دِلِمَه صد کشه پامال تو کــــــردم کمته

تیلت چـی خو وه جونم تیلم راس بگُ     بنه سر یک تیتَ هر چه دلت خواس بگُ

بی خیال که ذره ی گل کنه وسواس بگ    تو دایم وه همو حضرت عبــــــاس بگُ

بگو تـــا هرچه دلت ایخو بنم سرتیلم

راضی وابـــووُمزن هی گله من گردیلم

 

 

ای مـــــو قربون پل سهترهرشوت برم       صدقی  او قـــدِ   برنوترَ   برنوت برم

کهــره قربونی لوخنده ی سر لوت برم      لرز من گردمه ایخوم وه برفتوت برم

کشته دار بلندت اگرآبـــــــــــوم خشه

شو و رو سی تو وه مجنون بترآبوم خشه

کافر آبیده پلت بهسه وه خینم قدشـه        کلو وابیده وه گل نینه گلی بی حدشه

            سر قد بَهسه قمه عادت مهلــــی بدشه        مهل نیده دل بیچاره بگو اشهــــــدشه

تیر چنگیـــــز تیی کال تونِ کشته مونَ

ترک مرزنگ تمـوچین تو ورششته مونَ

پکنایه غـــــم پهلون تو  زنجیل دلم             کلو وابیـــده وه سیل تیلت ایـل دلم

کهی وابیـــدنه سر داغ تو فامیل دلم               دلم ایخوا که بگم حرفلم، نیـــله دلم

هردوکنجی وه دلم،سریه تشی ایسوزه

جگرم سخته  وُ مِــن العطشی ایسوزه

کل پری دل مونَ هرلت که دَرَی ایبینی   دم هـرکُـه و در و دشت و دَرَی ایبینی

             هردوکنجی شه م پهلی یه کری  ایبینی     سرِ هر کیچه وه خیـــــنم اثَرَی ایبینی

اثَرَی خیـــــنِ موسرلو کره دزمعلومه

سر کلغَی رَز و سر لویلِ رُز معلــــــــومه

خوش انگوراگـــر سرخ وه خین دلمه      کره دز ار کلو وابیـــــــده وه دین دلمه

          سه سفیدی تییلت ،  صب و پسین دلمه        بل خُرمی پل تو،سایـــــــــه نشینِ دلمه

پل تو رنگِ رطب مشتِ جنوب تیلم

یه" بلی" شم  برسونی چقه خوبه تیـلم

چقه خــــوبه دل مو با بخره بی پل تو         کلو وابم زر بارون میـــــــل مخمل تو

          همه ی عمر مو وابوهه  یه جا، معطل تو         دل بوندم وه خرنگ ترِ  سر لویــل تو

دلــــم ایخوا که سوار کهر آبی و بیی

بی نفس بــاد سحر همسفرآبـی و بیی

 

 

تا بیی کیچنه بـــــی خرس تیم نم بزنم           کپرِ عشقته هیبی گل مریـــــــم بزنم

          سرِ کُهتَی دلَ وردارُم و کم کم بزنم                وه دو پیلی تیلم ، پل تونَ ، شونم بزنم

 

توکه نیسی سرچاله تشی هم سرده دلم

چی کنار سر ره، دم دقه دم برده دلــــم

ایهمه جهسُمَ دینِت شو و رو ، کَمتِ  هنـی          مییلم من غمت آبیــــــــــدهوَ  دو، کمتِ هنی

هنی یَم جومهِ سهمه ایکنه نو ،کَمتِ هنی       لامروت ،مووُای درد گپو ،کمت هنـــی؟

بگو تـــا هرچه دلت ایخو بنم سرتیلم

راضی وابـــووُمزن هی گله من گردیلم

 

اَر نَنُُم سر،زرِ سایَی بنیوت ایمیـــــــرم             بشنفم اومـــده سایَی منِ خوت ایمیرُم

         اَر یه تــــــوخال بیفته سر لوت ایمیرم              بادَ بالَی سَرِتَ ار اومه ،جلوت ایمیرُم

توخودونی اگرَت گفتــمه خوبم،درویه

مرگ تـی دردِل مو، جون غزل،کُشکلویه

تو نبی، بادم و بنیو و بلـی سی چنمه      هونه یِ خشتی و بُشمَی سِکَلی سی چِنمه

            ایــــهمه قافیه بندی عسلی سی چنمه     بعدَ تو نذر"اِمُم زاده علــــی" سی چنمه

 

آخو تاکـی، چقه گورو، مِ دلم ایپکنی

حقه مَ چل کَلَ داغت بکنم ،کمتـِ  هنی

 

مجید نگین تاجی

  • براتی - جمعه، ۱۹ شهریور، ۱۳۹۵ - ساعت ۱۴:۴۳ در ۱۴:۴۳

    سلام احسنت جناب دکتر، اگر صدا یا تصویر یا نوشته ما رو داری یه سر بما بزن دکتر دلتنگ دیدارتان هستیم

  • زمانی - جمعه، ۱۹ شهریور، ۱۳۹۵ - ساعت ۸:۲۵ در ۰۸:۲۵

    خیلی زیبا سروده شده است با تشکر از آقای نگین تاجی

نام:

ایمیل:

نظر:

لطفا توجه داشته باشید: نظر شما پس از تایید توسط مدیر سایت نمایش داده خواهد شد و نیازی به ارسال مجدد نظر شما نیست